Instruksione për artikullshkruesit

Disa shembuj udhëzues për referencë dhe bibliografi

STILI CHICAGO I REFERENCIMIT

Formati i punimit shkencor për revistën “Buletini”

Informata të përgjithshme

Tema duhet të jetë punë origjinale e autorit.  Rregull i përgjithshëm është se në të gjitha punimet e shkruara gjithmonë duhet të dallohet qartë teksti dhe njohuritë e huaja nga teksti i autorit, konkluzionet e tij, njohuritë, idetë, dhe të dhënat e ngjashme. Punimi i temës shkruhet në gjuhën shqipe/angleze/arabe. Teksti i punimit duhet të jetë korrekt nga pikëpamja gramatikore dhe drejtshkrimore, si dhe pa gabime shtypi.

Përgjegjësia për gabimet e mundshme në rregullimin e formatit do të mbetet e autorit.  Redaksia  e “Buletinit”, të  nuk do të pranojnë tema që nuk u janë përmbajtur kushteve teknike të miratuara nga Fakulteti, e që janë të paraqitura në këtë doracak.

Formati

Struktura

Shumica e temave kanë një gjatësi  10000-12000 karaktere -përafërsisht 10 faqe. Tema duhet të jetë e organizuar në tri pjesë:

– pjesën hyrëse (paraprake);

– pjesën bazë, (tekstin kryesor) dhe;

– pjesën e tretë (shtojcën dhe referencat).

Në vijim është paraqitet edhe struktura e punimit

1. Faqet hyrëse (paraprake)

 Abstrakti

 Abstrakti (në gjuhën shqipe dhe gjuhën angleze)

 Parathënia (opsionale)

2. Teksti kryesor. Teksti kryesor zakonisht përmban Hyrjen, kapitujt bazë dhe Përfundimin.

3. Seksioni i referencave

 Shtojca/t

 Referencat dhe/ose Bibliografia

4. Rezume në gjuhën angleze (jo më shumë se 200 fjalë)

Fonti dhe Margjinat

Punimi duhet të jetë i shtypur në letër A4 (210  297 mm). Faqja mund të ketë më së shumti 1800 –2200

shenja, dhe nuk duhet të ketë më tepër se 35 rreshta. Fonti (lloji i germave) duhet të jetë Times New

Roman, dhe madhësia 12 pikë tipografike, kurse hapësira e rreshtave duhet të jetë 1.5 radhë (1.5 line

spacing). Madhësia minimale në fusnota, indekse apo simbole duhet të jetë 10 pikë tipografike.

Fonti i tekstit arab

Shkrimi i teksteve arabe duhet të jetë:

Ajetet kuranore me llojin e shkronjave Tradicional arabic – bold, madhësia 16-18

Kurse hadithet me llojin e shkronjave Tradicional arabic – normal (jo bold) 16-18

Margjinat definohen si hapësira të ZBRAZËTA që e rrethojnë tekstin. Asgjë, duke përfshirë edhe

numrin e faqeve, nuk mund të paraqitet në hapësirën e margjinave. Dimensionet e margjinave janë: ana

e majtë duhet të jetë 3 cm, pasi kjo është ana që duhet lidhur, kurse të tri anët e tjera: pra, lart, poshtë dhe

ana e djathtë, duhet të kenë margjina 2.5 cm. Çdo tabelë, figure, grafik apo diagram e paraqitur në temë

apo disertacion duhet të përshtatet brenda hapësirës së kufizuar me margjina. Lidhur me këtë kriter nuk

mund të ketë asnjë përjashtim.

Numërimi

Secila faqe e punimit  duhet ta ketë një numër. Ata mund të vendosen në pjesën e poshtme të faqes. Për tekst të përdoren numrat arabë (1, 2, 3, 4, 5…), duke filluar me faqen 1 (në faqen e parë të vetë tekstit).Numrat duhet të jenë në qendër, në pjesën e poshtme të faqes. Pavarësisht nga ndryshimet numri i faqesduhet të jetë konsistent në tërë punimin. Numri duhet të jetë i larguar për 2 cm nga skaji ifaqes, me qëllim që të shmanget humbja kur të lidhet punimi.

Faqet paraprake

Ballina

Fonti i shkronjave duhet të jetë 14. Titulli, emri i autorit, emri i Institucionit të jenë me shkronja të mëdha.

Titulli duhet të jetë sa më kuptimplotë dhe sa më i përputhshëm me përmbajtjen e temës. Autorët

inkurajohen fuqishëm që t’i përfshijnë fjalët çelës në titull, pasi ashtu titulli mund të gjendet më lehtë

gjatë kërkimeve kompjuterike, sikurse, për shembull, në Google ose në platforma të tjera elektronike.

Titulli nuk duhet të ketë më shumë se 200 shkronja dhe hapësira në total.

Ballina duhet të përmbajë titullin e punimit, gradën shkencore të  autorit  të punimit, emrin e autorit,

Abstrakti

Të gjithë artikujt  duhet ta përmbajnë një abstrakt. Një abstrakt nuk mund të jetë më i gjatë se 150 fjalë; abstrakti duhet të ketë (1) shtjellimin e problemit, (2) një paraqitje të metodave dhe procedurave të hulumtimit dhe (3) një përmbyllje të rezultateve të përftuara. Nëse abstrakti duhet të vazhdojë në faqen tjetër, titulli, etj., nuk duhet të përsëritet. Abstrakti shkruhet në gjuhën shqipe dhe në gjuhën angleze Në fund të secilit version të abstraktit shënohen Fjalët kyçe (5 fjalë kyqe ).

Parathënia

Parathënia nuk duhet të përmbajë ndonjë material të mbuluar diku tjetër në punim, në abstrakt, hyrje apo

në përmbyllje dhe përfundim. Nëse përdoret, duhet të përmbajë një përshkrim të shkurtër për

përmbajtjen apo qëllimin e shkruarjes së punimit. Gjithashtu mund të sqarohet arsyeja e autorit për

përzgjedhjen e temës dhe mendim (besimi) i tij/i saj lidhur me rëndësinë e punimit. Nëse janë përdorur

artikuj të publikuar si seksione apo kapituj në temë, parathënia duhet ta përmbajë emrin e revistës në të

cilën është pranuar punimi për publikim. Te parathënia titulli shkruhet me shkronja të mëdha

(PARATHËNIA), lihen tri hapësira “single spaces”, dhe vazhdohet teksti me 1.5 radhë.

Përmbajtja

 Hapësira e rreshtave në tekst duhet të jetë 1.5, mirëpo për tituj të gjatë që vazhdojnë në rreshtin tjetër aplikohet “single space” për hapësirën mes rreshtave. Në mes të tekstit dhe të numrave duhet të ketë një zbrazëti 2.5 cm. Kur përmbajtja kalon në faqen tjetër, duhet të veprohet si në faqen e parë, duke shënuar në kreun e faqes (PËRMBAJTJA – Vazhdim) dhe të lihen tri hapësira “single spaces” para se të vazhdohet me tekstin me titujt; shih figurën 1 a. Shembulli i faqes së përmbajtjes tregohet në Figurën 1 a dhe 1 b.

Lista e Tabelave

Rregullimi i listës së tabelave është i ngjashëm me atë të përmbajtjes. Pra, shënohet titulli “Lista e

Tabelave”, lihen tri hapësira “single spaces”, dhe vazhdohet me numrin e tabelës, lihet një hapësirë dhe

shënohet përshkrimi i tabelës, dhe pastaj numri i faqes ku ndodhet tabela. Në mes të tekstit të tabelës dhe

numrave të faqes duhet të lihet një hapësirë e zbrazët 2.5 cm.

(Shiko shembullin e faqes së Listës së Tabelave, figura 2!)

Lista e Figurave

Rregullimi i listës së figurave është i ngjashëm me atë të përmbajtjes. Pra, shënohet titulli “Lista e

Figurave”, lihen tri hapësira “single spaces”, dhe vazhdohet me numrin e figurës, lihet një hapësirë dhe

shënohet përshkrimi i figurës, dhe pastaj vjen numri i faqes ku ndodhet figura. Në mes të tekstit të figurës

dhe numrave të faqes duhet të lihet një hapësirë e zbrazët 2.5 cm.

(Shiko shembullin e faqes së “Listës së Figurave”, figura 3!).

Lista e Indekseve – Shkurtesave

Rregullimi i listës së indekseve është i ngjashëm me atë të përmbajtjes. Pra, shënohet titulli “Lista e

Indekseve’, lihen tri hapësira “single spaces”, dhe vazhdohet me simbolin e indeksit, lihet një hapësirë dhe

shënohet përshkrimi i indeksit. Lista e indekseve nuk ka numër të faqes se ku ndodhet indeksi.

Teksti

Organizimi i tekstit nё kapituj

Tema duhet të ketë Hyrjen, zhvillimin dhe Përfundimin.

Teksti  dhe titullit të kapitullit shkruhet me shkronja të mëdha. Teksti i titullit mund të jetë bold (shkrim i trashuar), ose i nënvizuar. Teksti duhet të jetë i rreshtuar (Aligned) vetëm në anën e majtë (kjo bëhet në kompjuter, me komandën Ctrl+L). Nëntitujt mund të jenë të rregulluar me numra, apo edhe pa numra. Titulli i nivelit të parë vendoset në mes. Titulli i nivelit të dytë vendoset në anën e majtë. Titulli i nivelit të tretë vendoset në anën e majtë, mirëpo është i zhvendosur për një hapësirë (Tab) nga e djathta. Titulli i nivelit të katërt është i ngjashëm me atë të nivelit të tretë, mirëpo

teksti vazhdon menjëherë pas titullit; pra, titulli është pjesë e paragrafit. Të dhëna më të detajuara janë

dhënë në shembullin e faqes titulluese të kapitullit.

Titujt nuk mund të paraqiten si rreshta të fundit në një faqe. Ata duhet të jenë të shoqëruar nga së paku tre

rreshta të tekstit. Nëse një titull mbetet në fund të faqes, ai duhet të zhvendoset në faqen tjetër. Kur një

titull ndodhet në kreun e faqes, nuk duhet të lihet hapësirë në mes të margjinës së sipërme dhe titullit; pra,

titulli duhet të fillojë në kreun e faqes. Gjithashtu, nuk duhet të ketë hapësirë në mes të margjinës së

sipërme dhe tekstit të faqes.

Nëse rreshti i parë i një paragrafi paraqitet në fund të faqes, duhet të zhvendoset në faqen në vazhdim.

Gjithashtu, nëse një pjesë e rreshtit të fundit të një paragrafi paraqitet në kreun e një faqeje, duhet që një

rresht i faqes së mësipërme të zhvendoset te kreu i faqes në vazhdim, në mënyrë që aty të paraqiten dy

rreshta në krye të faqes tjetër, para se të fillojë paragrafi i ri.

Figurat dhe tabelat

Të gjitha figurat (grafikët, fotografitë, hartat, vizatimet, skemat, diagramet, histogramet etj.) dhe tabelat

duhet të kenë emërtime dhe numër rendor. Numrat dhe emërtimet e figurave duhet të vendosen nën figurë,

kurse numrat dhe emërtimet e tabelave duhet të vendosen mbi tabelë.

Figura apo tabela nuk kanë kuptim në një artikull, nëse ato nuk përdoren si referime gjatë

përshkrimeve të ngjarjeve apo fenomeneve të caktuara. Figura apo tabela duhet patjetër të përmenden në

tekst paraprakisht. Pra, figura apo tabela duhet të jetë përmendur patjetër në tekstin para saj. Preferohet që

figura mos të jetë shumë larg nga teksti ku është përmendur; pra, në të njëjtën faqe apo një apo dy faqe më

poshtë.

Nuk lejohet që figura apo tabela të jetë në mes të tekstit. Nëse është më e vogël se gjysma e faqes, ajo duhet

të jetë në pjesën e sipërme, apo pjesën e poshtme të faqes.

Nëse figura vendoset në pjesën e sipërme të faqes, nën figurë duhet të lihet një hapësirë “single space”, e

pastaj të shkruhet përshkrimi i figurës, të lihen dy hapësira “1.5 space” (të ngjashme me tekstin), dhe të

vazhdohet me tekstin, figura 4 a. Nëse figura vendoset në pjesën e poshtme të faqes, në mes të figurës dhe

tekstit lihen dy hapësira “1.5 space”, e pastaj nën figurë lihet një hapësirë “single space”, dhe pastaj

shkruhet përshkrimi i figurës. Përshkrimi i figurës duhet të jetë te margjina e poshtme e faqes; nuk

preferohet të lihet hapësirë në mes të margjinës dhe tekstit të figurës, figura 4 b. Nëse vendosen dy figura

në një faqe, në mes të figurave duhet të lihen dy hapësira “1.5 space”.

Nëse figura është më e madhe se gjysma e faqes, ajo duhet të jetë e vetmuar në faqe, duke e rregulluar ashtu

që ta mbulojë tërë faqen. Pjesa e sipërme e figurës duhet të jetë nga ana e margjinës së majtë.

Edhe rregullimi i tabelave bëhet ngjashëm sikurse figurat, me përjashtim që përshkrimi i tabelës është në

krye të tabelës. Në rastin kur tabela është më e madhe se gjysma e faqes, ajo nuk ka nevojë të rrotullohet

sikurse figura.

Nëse figura është me ngjyra, rekomandohet që në fund të tekstit të përshkrimit të figurës të shtohet në

kllapa teksti:

(Kjo figurë është prezantuar me ngjyra, printimi bardh dhe zi mundet që mos ta pasqyrojë qartë

përmbajtjen e saj)

Në rast se ilustrimi nuk është kontribut origjinal i autorit të punimit, është e obligueshme të shkruhet

burimi (nëse ilustrimi është i botuar), gjegjësisht autori (nëse ilustrimi nuk është i publikuar). Burimi

shënohet nën ilustrim. Nëse ilustrimi është riprodhim i një vepre artistike, shënohet autori (nëse është i

njohur), emërtimi, si dhe të dhënat e tjera relevante të veprës.

Shtojca

Në rastin kur tema përmban shtojcë, në një faqe duhet të përqendrohet numri dhe titullin i shtojcës, me

shkronja të mëdha e vertikalisht dhe horizontalisht. Nëse është vetëm një shtojcë e bashkëngjitur në temë

 ajo do të emërohet SHTOJCA pa “A”. Nëse ka më shumë, ato emërohen SHTOJCA A,

SHTOJCA B, dhe kështu me radhë. Materiali i riprodhuar në shtojcë duhet të përshtatet brenda

margjinave.

Burimet dhe Literatura

Te përshkrimi i burimeve dhe i literaturës fillimisht lihen tri hapësira “single spaces”, pastaj shënohet

titulli BURIMET DHE LITERATURA, e pastaj prapë lihen dy “single spaces”, dhe tutje vazhdohet me

literaturën. Literatura shkruhet e tëra me “single space”. Në mes të dy citimeve duhet të lihet një

hapësirë “single space”.

FSI është përcaktuar për stilin e Çikagos, dhe në vijim janë shembujt e citimeve.